Akdang pampanitikan

TULA

            "ILANG-ILANG"

Simputla ng hirap,sintuyot ng hapis,

nangangalirang na sa init ng sakit;

ang mga talulot-lagas na pagibig,

Naluoy sa halik ng lilong bubuyog,

nangalutding dahon ang nalasong ubod;

 subali, sa aping pagkakayukayok,

 ay lalo pa mandin bumangong pagirog!

Sa amihang simoy ay pasuling-suling,

siklutin itapon ng ihip ng hangin;

sa batis na luha na walang pampangin,

yagit na mistula ng sawing paggiliw!

 Hayaang pulutin ng aking paglingap

 Pagyayamanin kong ulirang pangarap;

 kasiyahan ko nang sa hardin ng palad,

 may isang libingang humahalimuyak!